- 14 -

1342. September 20.

In nomine domini amen, Cunctorum perit memoria gestorum que nec scriptis publicis nec testibus veridicis perhennantur. Idcirco nos Albertus dei gracia dux Iunior Opoliensis et dominus Strelicensis, universis presentem litteram inspecturis damus scire Quod yenientes ad presenciam nostram providi viri videlicet dominus Wilhelmus Bohemus miles noster et Bogussius de Sironowicz, sani mente ac racione et in bona corporis valitudine constituti, deliberato animo in suaque ultima positi voluntate, Dominus Wilhelmus supradictus decem mansos agrorum et Bogussius antedictus quatuor mansos et mediam piscinam in villa Lagewniky prope Gemelnicz iacentes cum omnibus eorum proventibus ac utilitatibus et omnibus alijs et singulis quocumque censeantur nomine ad eos spectantibus pertinencijs, metis et gadibus universis, Religioso viro fratri Abbati et Conventui seu Monesterio in Gemelicz dederunt, donaverunt et legaverunt coram nobis solempniter resingnantes eidem Monesterio hereditarie et perpetue tenendos possidendos et habendos proprietatis tytulo pacifice et quiete. Item Iaczko de Walczerzowicz eciam quatuor mansos et aliam mediam partem piscine superius dicte pro quinque marcis grossorum usualis numeri et Bucziwogius filius Milonis quondam decem mansos pro decem marcis grossorum eiusdem numeri et sex mensuris siliginis rite et racionabiliter vendentes coram nobis solempniter resingnarunt Abbati et Monesterio memorato perpetue et hereditarie habituros cum omnibus suis pertinencijs superius expressis, prout ipsi omnes predicti eandem hereditatem seu hereditates in predicta villa temporibus retroactis tenuerunt, et prescriptarum tam legatarum quam venditarum hereditatum resingnacio ut robur perpetuo obtineat valiturum, presentes scribi et nostri sigilli munimine iussimus consingnari, Presentibus testibus qui resingnacioni domini Wilhelmi affuerunt, Stanimiro milite Castellano Rozenbergensi, Gerlaco de Sedlecz, domino Nicolao Capellano et Procuratore nostro, Woyslao Prauidlny, Andrea de Dolna. Item testes qui resingnacioni Bogussij de Sironowicz et Iaczconis de Walczerzowicz affuerunt, Sbrosco de Wissoca, Woyslaus supradictus, Tilco Lezincz et Climco cives Strelicenses, dominus Nycolaus supradictus. Item testes qui resingnacioni Bucywogij intererant, Gerlacus antedictus, Petrico de Swoz, Heynco de Gansorowicz, Przedslaus Tomschiconis, dominus Nicolaus sepedictus, Beldo plebanus Strelicensis nostreque curie prothonotarius qui copiam omnium premissorum a nobis recepit in commissis. Datum Strelecz in vigilia Mathei anno domini M°. CCC°. Quadragezimo secundo.

Siegel mit dem Adlerschild und der Umschrift: S. ALBErti. deI. GRA. IVNIORIS. DVCIS, OPOLIEN.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.